Harry Kane, sóknarmaður Tottenham, fór meiddur af velli eftir viðskipti við Fabian Delph í leik Tottenham og Manchester City í 8-liða úrslitum Meistaradeildarinnar á þriðjudag.
Kane varð fyrir ökklameiðslum og útlit er fyrir að hann missi af lokaspretti tímabilsins.
Kane varð fyrir ökklameiðslum og útlit er fyrir að hann missi af lokaspretti tímabilsins.
Þrátt fyrir að hafa misst Kane af velli náði Tottenham að vinna leikinn 1-0 og Harry Winks, miðjumaður liðsins, telur að Tottenham geti spjarað sig án sóknarmannsins öfluga.
Son Heung-min skoraði sigurmarkið gegn City og Winks hefur trú á Suður-Kóreumanninum.
„Hann hefur gert þetta allt tímabilið. Hann hefur skorað mörk með og án Harry í liðinu," sagði Winks.
„Við vitum hversu mikilvægur Harry er fyrir okkur. Vonandi er þetta ekki alvarlegt. En við erum með frábæra leikmenn sem geta stigið upp og fyllt í skarðið."
Athugasemdir