Tölfræðin er ekki í liði með Fabian Delph þegar kemur að leikjum Manchester City á þessu tímabili.
Af þeim sex leikjum sem Manchester City hefur tapað á tímabilinu þá hefur Delph byrjað í fimm þeirra.
Delph var í byrjunarliðinu þegar City tapaði gegn Tottenham í fyrri leik liðanna í 8-liða úrslitum Meistaradeildarinnar á þriðjudagskvöld. Harry Kane, sóknarmaður Tottenham, fór af velli meiddur eftir viðskipti sín við Delph.
Delph er 29 ára gamall og hefur hann verið á mála hjá City frá 2015, þegar hann kom frá Aston Villa.
Delph er að upplagi miðjumaður en Pep Guardiola hefur mest notað hann í vinstri bakverði.
In the six games #mcfc have lost this season, Fabian Delph has started five of them.
— Jordan Elgott (@JElgott) April 9, 2019
Athugasemdir
