Elísabet Ingvarsdóttir, sem er á 14. aldursári, hefur verið að slá í gegn með Völsungi á þessu undirbúningstímabili.
Elísabet, sem lék með 4. flokki Völsungs í fyrra, hefur komið við sögu í sex leikjum með meistaraflokki í vetur. Það er óhætt að segja að hún hafi gert vel í þessum leikjum.
Á laugardag skoraði hún tvö mörk þegar Völsungur lagði KH að velli, 4-0.
Hún er núna alls búin að gera fjögur mörk í Lengjubikarnum þetta árið og er það ansi vel af sér vikið hjá eins ungum leikmanni.
Völsungur leikur í 2. deild kvenna í sumar og verður athyglisvert að sjá hversu mörg tækifæri Elísabet fær þar.
Athugasemdir