Höskuldur skallar að marki í kvöld.
„Það eru blendnar tilfinningar, auðvitað var flott hjá okkur að jafna og koma til baka strax eftir að þeir komast 2-1 yfir," sagði Höskuldur Gunnlaugsson leikmaður Breiðabliks eftir 2-2 jafntefli við KR í kvöld.
Lestu um leikinn: Breiðablik 2 - 2 KR
„En við erum ósáttir við að fá þetta mark í lokin á fyrri hálfleik, það kemur á versta tíma," hélt hann áfram og vísaði í 1-1 mark KR.
Höskuldur hafði sjálfur komið Blikum yfir snemma leiks.
„Ég er ánægður með að skora alltaf en hefði tekið þrjú stig frekar," sagði Höskuldur sem skoraði markið sitt með skalla.
„Þó ég sé ekki sá hávaxnasti þá er ég þónokkuð lunkinní boxinu með hausnum, það eru krullurnar, þær gefa extra sentímeter."
Viðtalið má sjá í sjónvarpinu að ofan.
Athugasemdir
