Coutinho er á láni hjá Bayern München frá Barcelona en liðsfélagar hans í Þýskalandi eru að gera sig klára í að hefja tímabilið á nýjan leik eftir að deildin fékk grænt ljós frá Angelu Merkel, kanslara Þýskalands.

Brasilíski leikmaðurinn mun þó ekki ná lokasprettinum hjá Bayern en hann verður frá næstu sex vikurnar.

Samkvæmt Mundo Deportivo þá fór Coutinho í aðgerð á ökkla á dögunum og er tímabilið því búið hjá honum.

Það er þó möguleiki á að hann nái lokakeppninni í Meistaradeildinni í ágúst en það fer þó eftir því hvort Barcelona gefi grænt ljóst á að framlengja lánið um tvo mánuði. Bayern hefur ákveðið að nýta ekki kaupréttinn á Coutinho þegar láninu lýkur.