Sergio Ramos, fyrirliði Real Madrid á Spáni, segir að spænska þjóðin þurfi á fótbolta að halda til þess að dreifa huganum frá kórónaveirunni.
Spænska deildin vinnur nú með ríkinu til að koma deildinni aftur af stað en líkur eru á því að hún hefjist aftur um miðjan júní.
„Ég get ekki beðið eftir að spila aftur og að allt fari í sama horf en við verðum að sýna aga svo við getum eytt þessum vírus," sagði Ramos.
„Ég vil senda stuðning á alla þá sem hafa misst ástvini. Við munum komast í gegnum þetta og verðum að vinna saman."
„Þetta tekur allt sinn tíma ne þjóðin þarf fótbolta á þessum erfiðu tímum til þess að dreifa huganum," sagði hann ennfremur.
Athugasemdir