„Fyrstu dagarnir hafa verið flottir. Það er gott að komast í gott veður og flottan fótboltavöll. Þetta hefur allt verið mjög flott, hótelið flott og ekkert til að kvarta yfir," sagði Jóhann Berg Guðmundsson, leikmaður Burnley og íslenska landsliðsins fyrir aðra æfingu íslenska landsliðsins í Gelendzhik í Rússlandi.
Það hvessti vel á æfingasvæðinu í morgun en Jói Berg var nú ekki að láta það trufla sig.
„Við erum vanir öllu, við vorum á Íslandi í margbreytilegum veðrum, við erum ekki að fara kvarta undan smá vindi."
Aðstæðan til afþreyfingar á hóteli landsliðins er með ágætum.
„Við erum með smá leikherbergi, borðtennis og pool-borð síðan setjum við myndir á stóran skjá. Þannig það er fullt sem við getum fundið okkur til að gera."
Fimm dagar eru í fyrsta leik Íslands á HM gegn Argentínu. Undirbúningurinn fyrir þann leik fer á fullt í dag.
„Það er allt nokkuð rólegt. Við erum búnir að taka einn fund um Argentínu á Íslandi. Ætli við fundum ekki aftur á næstu dögum og þá fer spenningurinn að magnast. Þetta verður frábær skemmtun og gaman að taka þátt í þessu," sagði Jói Berg.
Viðtalið í heild sinni má sjá í sjónvarpinu hér að ofan.
Athugasemdir