Neymar var í byrjunarliði Brasilíu sem lagði Austurríki að velli með þremur mörkum gegn engu í æfingaleik í Vín.
Neymar meiddist í vor og var frá í nokkra mánuði. Þetta var hans fyrsti byrjunarliðsleikur frá meiðslunum og skoraði Brassinn knái laglegt mark í síðari hálfleik.
Neymar varð með markinu þriðji markahæsti leikmaður í sögu landsliðsins, eftir Ronaldo og Pele.
Neymar meiddist í vor og var frá í nokkra mánuði. Þetta var hans fyrsti byrjunarliðsleikur frá meiðslunum og skoraði Brassinn knái laglegt mark í síðari hálfleik.
Neymar varð með markinu þriðji markahæsti leikmaður í sögu landsliðsins, eftir Ronaldo og Pele.
Heimamenn voru ekki að spara sig í leiknum og fóru í harkalegar tæklingar. Neymar segir að leikstíll Austurríkismanna hafi minnt sig á UFC, þar sem keppt er í bardagaíþróttinni MMA.
„Við erum klárir í UFC eftir þennan leik. Sem betur fer sluppum við án meiðsla," sagði Neymar eftir leikinn.
Hann hefur mikla trú á liðinu og segir alla leikmenn hópsins eiga sér sameiginlegan draum; að vinna HM.
„Við erum brasilískir og getum látið okkur dreyma. Við erum að dreyma meira og meira. Það er ekki bannað að dreyma."
Athugasemdir