Ítalía var með mikla yfirburði frá fyrstu mínútu. Þrátt fyrir það var markalaust þegar liðin gengu til búningsherbergja í hálfleik.

Ítalir héldu uppteknum hætti í þeim síðari. Merih Demiral varnarmaður Tyrklands varð fyrir því óláni að skora sjálfsmark á 53. mínútu og kom þar með Ítölum í 1-0 forystu.

Markahrókurinn Ciro Immobile skoraði síðan annað markið og Lorenzo Insigne gerði síðan út um leikinn þegar um 10 mínútur voru eftir. 3-0 lokatölur.

Ítalía mætir Sviss í annarri umferð riðlakeppninnar miðvikudaginn 16. júní og Tyrkland mætir Wales sama dag. Sviss og Wales mætast á morgun kl 13.