„Ég þigg stigið," sagði Bjarni Jóhannsson, þjálfari Vestra, eftir markalaust jafntefli gegn Aftureldingu í 2. deild karla í dag.
Lestu um leikinn: Afturelding 0 - 0 Vestri
Bjarni getur huggað sig við það að ekkert af hinum toppbaráttuliðunum bar sigur úr býtum í dag og er því Vestri áfram á toppi deildarinnar.
Sjá einnig:
2. deild: Mögnuð endurkoma Leiknis - Ekkert toppbaráttulið vann
„Mér fannst þetta heilt yfir sénsalítill leikur. Mér fannst við vera með undirtökin í fyrri hálfleik, vorum sterkari á boltann þá. En í seinni hálfleik fannst mér þeir sterkari. Við virðum þetta stig."
„Það er aldeilis "rock and roll" í þessu. Ég hef verið í nokkur ár fyrir ofan þessa deild að þjálfa, en mér finnst þetta svo flott deild. Það eru mörg lið hrikalega góð. Þetta er geggjað nema fyrir taugasjúklinga sem eru þjálfarar í þessu," sagði Bjarni en toppbaráttan er gríðarlega hörð.
Viðtalið er í heild sinni hér að ofan.
Athugasemdir