Lommel heimsótti fyrrum Íslendingafélag Lokeren í belgísku B-deildinni í dag. Ari Freyr Skúlason lék með Lokeren í fyrra er liðið féll úr belgísku úrvalsdeildinni.
Lommel er nú orðið Íslendingalið. Stefán Gíslason þjálfar liðið og leikur Kolbeinn Þórðarson með því.
Kolbeinn, sem lék með Breiðabliki í Pepsi Max-deildinni fyrr í sumar, kom inn á sem varamaður í hálfleik í leiknum í dag.
Til að gera langa sögu stutta þá endaði leikurinn með markalausu jafntefli.
Þetta er fyrsta stig Lommel í deildinni á þessu tímabili, en það eru aðeins tvær umferðir búnar.
Athugasemdir