Írski miðjumaðurinn Conor Hourihane lék í gær sinn fyrsta leik í ensku úrvalsdeildinni eftir að hafa leikið allan sinn feril í neðri deildum Englands, frá D-deildinni í Championship-deildina.
Hourihane er 28 ára gamall og harkið hefur því verið mikið. Í janúar 2017 var hann keyptur til Aston Villa frá Barnsley.
Hann hefur reynst Aston Villa góður síðustu tvær leiktíðir og var hann í gær verðlaunaður með sínum fyrsta leik í deild þeirra bestu.
Hann spilaði í 2-1 tapi gegn Tottenham, en með því að spila þennan leik náði hann að láta einn stuðningsmann Aston Villa éta orð sín frá árinu 2014.
Árið 2014 lék Hourihane með Plymouth í ensku C-deildinni. Aston Villa stuðningsmaður að nafni Craig Taylor efaðist þá um drauma Hourihane, að hann myndi spila í ensku úrvalsdeildinni einn daginn. Svo fór að Hourihane spilaði í ensku úrvalsdeildinni, með uppáhalds félagi Craig - Aston Villa.
„Þú ert besti leikmaður Plymouth, en enska úrvalsdeildin? Það er eitt að vera metnaðarfullur og annað að vera raunsær," skrifaði Craig.
„Eitthvað sem ég get unnið að á hverjum degi. Má maður ekki hafa drauma?" skrifaði Hourihane á móti.
Þá sagði Craig: „Auðvitað drengur. Mér finnst þú góður leikmaður en ég er bara hreinskilinn. Það er líka takmarkað hversu langt ég get náð í minni vinnu."
Þessi orð áttu eftir að koma í bakið á Craig. Hourihane var greinilega ekki búinn að gleyma þessu því hann vakti athygli á þessu eftir leikinn í gær.
Það er alltaf gott að eiga drauma!
Hi Craig, remember this tweet back in 2014... I always remember it to this day. Ironically your a Villa fan who I made my debut with! Never tell anyone they can’t achieve something 👍🏻 @CraigTa90961607 pic.twitter.com/smCgi0VSlO
— Conor Hourihane (@ConorHourihane) August 11, 2019
Athugasemdir