Miðjumaðurinn Rúnar Már Sigurjónsson var á skotskónum með Astana í Kasakstan í dag.
Astana heimsótti neðsta lið deildarinnar, Aktobe, og var Astana ekki lengi að komast yfir. Þeir náðu forystunni eftir átta mínútur og var staðan 1-0 í hálfleik.
Rúnar kom Astana í 2-0 á 53. mínútu. Hans annað mark í úrvalsdeildinni í Kasakstan.
Aktobe brást vel við marki Rúnars og náði að jafna metin með því skora fyrst á 56. og síðan á 83. mínútu.
Sem betur fer fyrir Astana þá náði liðið að koma inn sigurmarki á 86. mínútu og þar með forðast óheppilegt jafntefli.
Mikilvægur sigur fyrir Astana sem er í öðru sæti, einu stigi frá toppliði Tobol.
Athugasemdir