Franska félagið Montpellier er að ganga frá lánssamningi við Roma um sænska markvörðinn Robin Olsen.
Roma keypti Olsen frá FCK á 9 milljónir evra síðasta sumar en hann missti sæti sitt til Antonio Mirante undir lok síðasta tímabils.
Samkvæmt Sky Italia þá er Olsen á leið til Montpellier á láni út tímabilið með möguleika á að kaupa hann fyrir 8,2 milljónir evra.
Olsen á eftir að semja um kaup og kjör við Montpellier en búist er við að það verði gengið frá samningum á næstu dögum.
Olsen spilaði 35 leiki fyrir Roma og hélt hreinu í 7 leikjum.
Athugasemdir