Landsliðsmennirnir, Arnór Sigurðsson og Hörður Björgvin Magnússon, voru báðir í byrjunarliði CSKA Moskvu þegar liðið gerði jafntefli við Sochi á heimavelli í dag.
Leikurinn var í rússnesku úrvalsdeildinni, CSKA var meira með boltann og átti fleiri marktilraunir en inn fór boltinn ekki.
Leikurinn endaði markalaus.
Hörður Björgvin lék allan leikinn, en Arnór fór meiddur af velli í fyrri hálfleiknum. Við óskum Arnórs góðs bata og vonandi að það sé ekki alvarlegt. Það eru landsleikir í næsta mánuði og Arnór verður pottþétt í hópnum ef hann er heill heilsu.
CSKA er í öðru sæti deildarinnar með 10 stig eftir fimm leiki.
Athugasemdir