Rooney reiður eftir fyrsta leik tímabilsins: Þetta er óásættanlegt

 „4-0 var sanngjörn niðurstaða. Ég er vonsvikinn með þessa einföldu hluti hjá liðinu í dag. Við fáum fjögur mörk á okkur eftir fyrirgjafir. En það sem ég er mest vonsvikinn með er að við spiluðum ekki með því sjálfstrausti sem við höfum gert seinustu vikur.“ sagði Rooney við Sky Sports eftir leik.

Þetta var fyrsti deildarleikur Rooney með Plymouth en í fyrra tók hann við Birmingham á miðju tímabili og var látinn fara eftir nokkra leiki með liðið. 

Rooney er alls ekki sáttur með hvernig tímabilið byrjar en hann segist vera reiður.

 „Ég er vonsvikinn og reiður því þetta er ekki frammistaðan sem ég vil sjá. Við töluðum um hættuna sem skapast úr fyrirgjöfunum þeirra. Þetta var óásættanlegt í dag.“

Rooney var ekki bara að taka þátt í sínum fyrsta deildarleik fyrir Plymouth en Guðlaugur Victor Pálsson var í byrjunarliðinu og spilaði allan leikinn í þessum skell sem hans menn fengu í dag gegn Sheffield Wednesday.

Eftir fyrstu umferðina í Championship deildinni eru Plymouth neðstir með verstu markatöluna.