Kolbeinn í baráttu við Axel Witsel í leiknum í kvöld.
„Tilfinningin er frábær. Ég er búinn að bíða eftir þessu í tvö ár," sagði Kolbeinn Sigþórsson eftir 3-0 tap Íslands gegn Belgíu í kvöld.
Kolbeinn spilaði sinn fyrsta landsleik síðan á EM 2016 en hann kom inn á sem varamaður og spilaði 20 mínútur. Kolbeinn er kominn í gang aftur eftir erfið meiðsli.
„Það gefur mér mikið að koma og vera í kringum liðið og spila. Það var svekkjandi hvernig fór í dag en fyrir mig er frábært að vera kominn aftur."
Kolbeinn spilaði sinn fyrsta landsleik síðan á EM 2016 en hann kom inn á sem varamaður og spilaði 20 mínútur. Kolbeinn er kominn í gang aftur eftir erfið meiðsli.
„Það gefur mér mikið að koma og vera í kringum liðið og spila. Það var svekkjandi hvernig fór í dag en fyrir mig er frábært að vera kominn aftur."
„Ég hefði getað spilað fleiri mínútur en þetta er það sem þeir ákváðu og ég er mjög ánægður með að fá mínúturnar. Ég vissi ekki hvað ég gæti spilað mikið en þetta gefur mér innsýn í það hvað ég get spilað lengi."
Kolbeinn hefur verið úti í kuldanum hjá félagsliði sínu Nantes í Frakklandi og hann veit lítið um framhaldið þar.
„Staðan er óljós. Ég fer út á morgun og sé hvernig staðan verður. Það verður bara að koma í ljós, ég veit það ekki," sagði Kolbeinn.
Hér að ofan má sjá viðtalið í heild sinni.
Athugasemdir
