Elliott verður frá í meira en mánuð

Elliott var valinn í enska U21 landsliðshópinn en dró sig svo úr hópnum og fór til Liverpool í skoðun.

Hann missti af markalausu jafntefli U21 liðsins gegn Norður-Írlandi í undankeppni EM og svo 4-1 sigri gegn Austuríki í vináttulandsleik.

Elliott hefur spilað einn deildarleik með Liverpool í upphafi tímabils, hann kom inn sem varamaður seint í 2-0 sigrinum gegn Brentford. Hann lék 34 deildarleiki á síðasta tímabili.

Hann er í harðri baráttu um byrjunarliðssæti við Ryan Gravenberch, Alexis Mac Allister og Dominik Szoboszlai en nú þegar leikjaálagið eykst hefði hann klárlega fengið fleiri mínútur frá Arne Slot.