Benteke, sem er 27 ára gamall, mætti af krafti í enska boltann fyrir sex árum og skoraði í öðrum hverjum leik fyrir Aston Villa. Hann var keyptur til Liverpool sumarið 2015.

Hann fann sig ekki jafn vel hjá Liverpool og var seldur til Crystal Palace einu ári síðar. Hann varð þá dýrasti leikmaður í sögu Palace og er það enn, keyptur fyrir 27 milljónir punda.

Benteke hefur aðeins verið að skora í fjórða hverjum leik hjá Palace en reikna má með að hann gangi beint aftur inn í byrjunarliðið þegar hann kemur úr meiðslum.

Benteke hefur gert 12 mörk í 34 landsleikjum fyrir Belgíu.