Ítalía og Úkraína mættust í æfingaleik í borginni Genoa á Ítalíu í gær. Leiknum lauk með 1-1 jafntefli sem þýðir það að ítalska liðið hefur unnið tvo af síðustu tólf leikjum sínum.
Tilfinningar báru nokkra áhorfendur ofurliði á leiknum í gær en fyrir leikinn og á meðan leiknum stóð var fórnarlamba brúarslyssins hörmulega minnst.
43 létust þegar Morandi brúin hrundi þann 14. ágúst í Genoa. 200 metra hluti brúarinnar hrundi þá mjög skyndilega og allt fólk sem á brúnni var er talið hafa týnt lífi.
Leikurinn var stöðvaður á 43. mínútu og stóðu allir áhorfendur, þjálfarar, varamenn upp og klöppuðu í mínútu til þess að heiðra minningu þeirra sem að létu lífið.
Báðir þjálfarar liðanna, Roberto Mancini og Andriy Shevchenko höfðu báðir orð á því eftir leikinn að andrúmsloftið einkennst af miklum tilfinningarússíbana.
Á svona erfiðum stundum standa allir saman, sama frá hvaða landi þeir eru. Svona hörmungar hafa áhrif á heimsbyggðina. Það er erfitt að koma því í orð hversu hryllilegur þessi atburður er," sagði Shevchenko eftir leikinn.
The game stops on 43 minutes as both sets of players and the fans inside the Stadio Luigi Ferraris remember the victims of the Genoa bridge collapse in August.#ItalyUkraine #VMSport pic.twitter.com/wB6sGQC1pr
— Virgin Media Sport (@VMSportIE) October 10, 2018
Athugasemdir