Richarlison, liðsfélagi Gylfa Þórs hjá Everton er enn að komast í takt við lífið á Englandi en þjálfari hans, Marco Silva hefur hjálpað honum mikið að hans sögn.
Silva sótti Richarlison til Watford fyrir síðasta tímabil frá Flumenese í Brasilíu en hann Richarlison hafði leikið með nokkrum klúbbum í heimalandinu.
„Hann kom til Brasilíu og fékk mig til Englands og hjálpaði mér þannig að láta drauminn rætast, að spila í ensku úrvalsdeildinni. Hann hefur hjálpað mér það mikið að ég lít á hann sem föður minn."
„Hann er mjög skipulagður þjálfari og hann gerir miklar kröfur á leikmennina sína. Hann tekur þátt í æfingum og sínir okkur hvernig hlutirnir eru gerðir."
„Þegar ég þarf nánari útskýringar á einhverju þá fer ég á skrifstofna hans og við ræðum saman."
Everton mætir Crystal Palace í deildinni eftir landsleikjahléið.
Athugasemdir