Ísland er þessa stundina að etja kappi við heimsmeistara Frakka í æfingalandsleik í Frakklandi.
Strákarnir okkar hafa átt frábæran leik og eru einu marki yfir í hálfleik eftir að Birkir Bjarnason skoraði framhjá Hugo Lloris.
Alfreð Finnbogason bjó markið til fyrir Birki þar sem hann vann boltann úti á hægri kanti, lék á varnarmann Frakka og sendi boltann beint í hlaupaleið Birkis.
Birkir mætti á fleygiferð og lagði boltann snyrtilega niðri í vinstra hornið með viðstöðulausu innanfótarskoti fyrir utan teig.
Hægt er að sjá markið með að smella hér eða hér.
Forysta Íslendinga í leiknum gæti verið meiri og tókst Strákunum okkar að klúðra ótrúlegu færi í fyrri hálfleiknum.
Hugo Lloris átti sinn þátt í að stöðva boltann frá því að fara yfir marklínuna en hægt er að sjá myndband af atvikinu með því að smella hér.
Athugasemdir