Rússland 0 - 0 Svíþjóð
Það var HM stemning er Rússar tóku á móti Svíum í síðasta leik kvöldsins í Þjóðadeildinni.
Bæði lið voru afar varkár í öllum sínum sóknaraðgerðum og rötuðu aðeins þrjú skot á rammann yfir leikinn. Hleypt var af nítján skotum til viðbótar sem fóru ekki á rammann.
Svíar áttu betri fyrri hálfleik og voru óheppnir að skora ekki en Rússar komu grimmari til leiks í síðari hálfleik og stjórnuðu honum frá upphafi til enda, en fundu engar glufur á skipulögðum varnarleik gestanna.
Þetta er fyrsta stig Svía í Þjóðadeildinni eftir tap gegn Tyrkjum í fyrstu umferð. Rússar eru á toppi riðilsins með fjögur stig.
Athugasemdir