„Við verðum að vera hreinskilnir að þetta var svolítið klaufalegt," sagði Birkir Bjarnason um 1-0 tapið gegn Frökkum í kvöld en eina markið kom úr vítaspyrnu sem Antoine Griezmann fékk eftir að Ari Freyr Skúlason braut á honum.

„Ég var nálægt þessu víti og þetta var 100% víti. Maður heyrði rosalegan smell þó að hann detti svolítið seint. Ari veit það sjálfur að þetta var smá klaufalegt."

„Við vorum með þá á þessum tímapunkti og vorum nálægt þvi að fara að gera eitthvað. Við verðum að vera ánægðir með þennan leik. Við spiluðum gríðarlega vel gegn einu besta liði í heimi,"

Birkir var valinn maður leiksins en hann átti frábæran dag á miðjunni.

„Mér leið mjög vel. Ég er búinn að bíða svolítið lengi eftir þessum leik og vera að æfa sjálfur. Ég er hrikalega ánægður. Það er gott að geta spilað góðan leik."

Hér að ofan má sjá viðtalið í heild sinni.

Tweet

Senda a Facebook Hafdu samband Senda frétt Prenta frétt Frétta leit