„Brynjar er lykilleikmaður í plönum okkar til framtíðar og hefur fyrir löngu sannað sig sem afburðar varnarmaður og því er það ánægjuefni að hann skuli halda áfram með okkur," segir á Facebook síðu Stjörnunnar.

Hinn 27 ára gamli Brynjar ólst upp hjá Víkingi Ólafsvík en hann hefur skorað níu mörk í 174 leikjum í efstu deild á ferlinum.

Í sumar skoraði hann mark á lokasekúndunum gegn Levadia Tallinn í Evrópudeildinni en markið kom Stjörnunni áfram í aðra umferð þar sem liðið tapaði gegn Espanyol.

Penninn hefur verið á lofti í Garðabæ í vikunni en þjálfarinn Rúnar Páll Sigmundsson og markvörðurinn Haraldur Björnsson hafa einnig skrifa undir nýja samninga. Þá kom framherjinn Emil Atlason til Stjörnunnar frá HK og markvörðurinn Vignir Jóhannesson frá FH.