Jóhann Berg fór meiddur af velli hjá Burnley gegn Leicester í gær.

Andri Rúnar Bjarnason, sóknarmaður Helsingborg, hefur verið kallaður inn í hópinn í staðinn.

Andri Rúnar var að klára frábært tímabil með Helsingborg í Svíþjóð. Hann var markahæsti leikmaður sænsku B-deildarinnar, sem Helsingborg vann, og var þess að auki valinn besti leikmaður Helsingborg á tímabilinu.

Andri á tvo A-landsleiki og hefur í þeim skorað eitt mark.

Ísland er að fara að spila við Belgíu á fimmtudaginn í Þjóðadeildinni og gegn Katar í vináttulandsleik nokkrum dögum síðar.