Slæmt gengi Mónakó heldur áfram og er liðið búið að tapa fjórum af sex fyrstu leikjunum sínum undir stjórn Thierry Henry.

Lærisveinar Henry fengu topplið Paris Saint-Germain í heimsókn í kvöld og var Edinson Cavani búinn að skora tvö á fyrstu ellefu mínútum leiksins.

Cavani fullkomnaði þrennuna snemma í síðari hálfleik og gerði Neymar út um leikinn með marki úr vítaspyrnu.

Mónakó er aðeins með sjö stig eftir þrettán umferðir en PSG er með fullt hús stiga og þrettán stiga forystu.