Ólíklegt er að Gylfi Þór Sigurðsson verði með íslenska landsliðinu í landsleikjahlénu eftir að hafa meiðst í leik Everton og Chelsea í ensku úrvalsdeildinni í dag.
Jorginho tæklaði Gylfa illa í leiknum og fékk gult spjald fyrir en margir kölluðu eftir rauðu spjaldi. Gylfi fór útaf til að fá aðhlynningu en hélt leik áfram.
Marco Silva sagði í viðtali að leikslokum að hann búist ekki við að Gylfi gæti spilað með Íslandi í landsleikjahlénu. Nú virðist það vera nokkuð öruggt þar sem myndir voru að birtast af Gylfa í spelku.
Guðmundur Hilmarsson, fréttamaður hjá Morgunblaðinu, birti mynd af Gylfa í spelku á Twitter.
Ísland heimsækir Belgíu í Þjóðadeildinni á fimmtudaginn áður en Katar kíkir á Laugardalsvöll næsta sunnudag.
Gylfi eftir leikinn á móti Chelsea. Tel hæpið að hann verði með á móti Belgunum. pic.twitter.com/cbeDg6KRtx
— Guðmundur Hilmarsson (@GummiHilmars) November 11, 2018
Stór skörð höggvin í íslenska landsliðið sem mætir besta liði heims, Belgíu, í Þjóðadeildinni á fimmtudag. Jói Berg, Raggi Sig, Emil, Jón Daði, Hólmar, Rúnar Már, Björn Bergmann og hugsanlega Gylfi Þór verða fjarri góðu gamni.
— Guðmundur Hilmarsson (@GummiHilmars) November 11, 2018
Athugasemdir