Paul Pogba er ekki í leikmannahópi Manchester United gegn Manchester City í ensku úrvalsdeildinni í dag.
Pogba er að glíma við meiðsli og var ekki tilbúinn að taka þátt í þessum leik.
„Hann meiddist í leiknum gegn Juventus. Hann hélt leik áfram vegna þess að hann taldi leikinn svo mikilvægan fyrir liðið. Hann fórnaði sér fyrir okkur. Það var ómögulegt fyrir hann að ná þessum leik," sagði Jose Mourinho, stjóri Manchester United, um Pogba.
Þetta er mikið áfall fyrir United en þegar liðið vann City 3-2 á síðustu leiktíð var það Pogba sem hóf endurkomuna. Hann skoraði tvennu.
Marouane Fellaini tekur stöðu Pogba á miðjunni hjá United. Fellaini, Ander Herrera og Nemanja Matic spila á miðjunni hjá United.
Paul Pogba is here #mufc pic.twitter.com/fTcotq4OY7
— Samuel Luckhurst (@samuelluckhurst) November 11, 2018
Athugasemdir