Norsku 1. deildinni var að ljúka, lokaumferðin fór fram í dag.
Hólmbert Aron Friðjónsson skoraði eina mark Álasund sem vann 1-0 sigur gegn Strømmen. Því miður kom þetta mark Álasundi ekki upp, liðið þarf að fara í umspil.
Aron Elís Þrándarson og Daníel Leó Grétarsson spiluðu allan leikinn eins og Hólmbert. Adam Örn Arnarson kom inn á fyrir Álasund og spilaði síðustu 10 mínúturnar.
Álasund hafnar í þriðja sæti en liðinu tókst ekki að enda mótið nægilega vel.
Álasund endar einu stigi á eftir Mjøndalen sem vann 2-0 sigur gegn Florø í dag. Tvö efstu liðin fara beint upp en ásamt Mjøndalen er það Viking sem fer upp. Axel Óskar Andrésson, varnarmaðurinn efnilegi, hefur leikið með Viking á seinni hluta tímabilsins á láni frá Reading.
Axel Óskar lék allan leikinn í 3-1 sigri gegn Kongsvinger núna áðan. Viking vinnur deildina.
Hólmbert Aron næstmarkahæstur
Eins og áður kemur fram þarf Álasund að fara í umspil um sæti í úrvalsdeildinni. Stór ástæða fyrir því að Álasund er á þessum stað í deildinni er Hólmbert Aron Friðjónsson.
Hólmbert hefur átt frábært fyrsta tímabil í Noregi. Hann skoraði í dag sitt 19. mark í deildinni.
Hann endar sem næstmarkahæsti leikmaður B-deildarinnar, á eftir Tommy Høiland, sóknarmanni Viking sem skoraði 21 mark.
Athugasemdir