Haukur Heiðar Hauksson sat allan tímann á varamannabekknum hjá AIK. Hann hefur lítið spilað á þessu tímabili og líklegt er að hann sé á heimleið í vetur. Hann hefur verið orðaður við KR og KA.

Það er ekki amalegt fyrir hann að enda á meistaratitli. Þetta er í sjötta sinn sem AIK er meistari en síðasti titillinn kom árið 2009.

Norrköping endar í öðru sæti. Guðmundur Þórarinsson spilaði stórt hlutverk hjá Norrköping á tímabilinu og hann lék allan leikinn í dag, í 1-0 sigri gegn Hacken.

Guðmundur er í íslenska landsliðshópnum fyrir komandi verkefni gegn Belgíu og Katar.

Arnór Ingvi Traustason er líka í landsliðshópnum. Hann lagði upp fyrir Malmö í 2-0 sigri gegn Elfsborg. Hann kom inn á sem varamaður á 62. mínútu.

Malmö klárar tímabilið í þriðja sæti, sjö stigum á eftir Norrköping. Íslendingalið raða því sér í efstu þrjú sæti deildarinnar.

Kristján Flóki Finnbogason lék allan leikinn fyrir Brommapojkarna í 3-0 sigri gegn Trelleborg. Óttar Magnús Karlsson var allan tímann á varamannabekknum hjá Trelleborg.

Brommapojkarna endar í 14. sæti og fer í umspil um að halda sér í sænsku úrvalsdeildinni. Brommapojkarna hefði fallið beint úr deildinni ef liðið hefði tapað þessum leik.

Kristján Flóki er í láni hjá Brommapojkarna frá Start í Noregi.

Trelleborg fellur úr deildinni. Liðið endar í neðsta sæti. Óttar Magnús var í láni hjá Trelleborg frá Molde í Noregi og kom hann við sögu í 14 leikjum og skoraði eitt mark.

Góður dagur hjá flestum Íslendingaliðunum í sænsku úrvalsdeildinni. Efstu þrjú liðin eru öll Íslendingalið eins og áður kemur fram.

2018 har på många sätt varit ett tufft år med flera hinder längs vägen. Tillsammans har vi hanterat samtliga.

AIK är Svenska Mästare säsongen 2018. pic.twitter.com/m51KIEwyuf

— AIK Fotboll (@aikfotboll) November 11, 2018