Adama Traore, leikmaður Wolves á Englandi, hefur ákveðið að draga sig úr spænska landsliðshópnum vegna meiðsla en hann greinir frá þessu á heimasíðu spænska knattspyrnusambandsins.
Traore, sem er 23 ára gamall, var valinn í spænska A-landsliðið á laugardag en það var í fyrsta sinn sem hann var valinn í liðið.
Talið var að Traore væri búinn að ákveða að spila fyrir Malí en hann ákvað þó að nýta tækifærið að spila fyrir Spán.
Hann getur þó ekki spilað með liðinu í undankeppni Evrópumótsins í þessum mánuði vegna meiðsla.
„Ég get því míður ekki tekið þátt með spænska landsliðinu í verkefnunum í nóvember vegna meiðsla sem komu upp í leiknum gegn Aston Villa um helgina," sagði Traore á heimasíðu spænska knattspyrnusambandsins.
„Ég mun þó leggja hart að mér til að komast á næsta lista og ég vil þakka þjálfaranum fyrir traustið," sagði hann ennfremur en Pablo Sarabia, leikmaður Paris Saint-Germain, kemur inn í hans stað.
Athugasemdir