Sterling er mikið ræddur á Englandi þessa daganna eftir að hafa orðið fyrir kynþáttafordómum frá stuðningsmönnum Chelsea í leik Manchester City gegn Chelsea um liðna helgi.

Chelsea hefur sett fjóra stuðningsmenn í bann vegna atviksins.

„Vá"
Mings ætlar ekki að mæta í viðtal hjá Talksport eftir orð sem Dave Kitson, fyrrum sóknarmaður Stoke og Reading, lét falla á stöðinni.

„Ég trúi því að leikmenn geri sig að skotmarki. Við erum með það hlutverk sem fótboltamenn að fara varlega á samfélagsmiðlum. Afbrýðisemi er hræðilegur hlutur," sagði Kitson og benti á Instagram-reikninginn hjá Sterling sem dæmi. Hann hélt því fram að Instagram-reikningurinn gæti hafa ollið kynþáttafordómum í garð Sterling.

Kitson bætti þó við að það væri engin afsökun fyrir kynþáttafordómum.

Rio Ferdinand, fyrrum leikmaður Manchester United, skrifaði athugasemd við færsluna hjá Talksport. „Vá (e. Wow)."

Wow

— Rio Ferdinand (@rioferdy5) December 11, 2018

Ekkert grátt svæði
Mings tjáði sig á Twitter eftir að hafa séð það sem Kitson sagði. Hann tilkynnti það að hann væri hættur við að mæta í viðtal sem hann átti að mæta í hjá Talksport.

„Það er ekkert 'en' eða grátt svæði þegar kemur að kynþáttafordómum. Ég er orðinn leiður á sjónvarps- og útvarpsstöðum sem leyfa þetta."

Sjá einnig:
Sterling hjólar í fjölmiðla - Segir þá ýta undir rasisma

I’m meant to be doing an interview with talksport tomorrow which won’t be happening.

I’m fed up of broadcasting channels who have a huge voice allowing this sort of sh*t to be said.

Like someone or dislike them, there is no ‘but’ or grey area when it comes to racism. https://t.co/PRMP07DDhp

— Tyrone Mings (@OfficialTM_3) December 10, 2018