Framtíð Hazard hefur mikið verið rædd síðustu mánuði en samningur hans við Chelsea rennur út sumarið 2020 og ljóst að verðmiðinn lækkar á honum því meira sem hann tefur samningaviðræður.

Hann hefur verið sterklega orðaður við Real Madrid og hefur nú ýtt enn frekar undir þann orðróm með viðtali við RMC útvarpsstöðina í Frakklandi.

„Mér hefur alltaf líkað vel við Real Madrid, það tengist Zinedine Zidane ekkert," sagði Hazard er hann var spurður út Zidane og Madrídarliðið.

„Þegar tímabil er búið þá á ég eitt ár eftir af samningnum mínum við Chelsea og þá kemur í ljós hvaða ákvörðun ég tek," sagði hann í lokin.