KSÍ hefur komist að samkomulagi við Írland um að U21 landslið þjóðanna mætist í vináttulandsleik á Tallaght Stadium, heimavelli Shamrock Rovers í Dublin þann 22. mars.
U21 landsliðið á leik í undankeppni EM gegn N-Írlandi 26. mars, en leikstaður hefur ekki verið staðfestur.
Vináttuleikur gegn nágrönnunum á Írlandi verður góður undirbúningur fyrir íslensku strákana fyrir þann leik. U21 landslið þjóðanna hafa mæst tvisvar áður og voru báðir leikirnir í undankeppni EM árin 1996 og 1997. Ísland vann báða leikina 1–0.
U21 lið Íslands er í 3. sæti í undankeppni EM þegar riðlakeppnin er hálfnuð. Eftir útileikinn gegn Norður-Írum á liðið fjóra leiki eftir í undankeppninni á þessu ári og þeir eru allir á heimavelli.
Leikir U21 á árinu
22. mars Írland - Ísland (Vináttuleikur)
26. mars Norður-Írland - Ísland
6. september Ísland - Eistland
11. september Ísland - Slóvakía
11. október Ísland - Norður-Írland
16. október Ísland - Spánn
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir