Arsene Wenger, stjóri Arsenal, segir að ekkert sé klárt hvað varðar framtíð Alexis Sanchez. Sílemaðurinn verður samningslaus í sumar en bæði Manchester City og Manchester United hafa hug á að kaupa hann í þessum mánuði.
Aðspurður út í fréttir þess efnis að United ætli að berjast við City um Sanchez sagði Wenger: „Ég get ekki sagt ykkur mikið meira í augnablikinu um stðuna. Ekkert er öruggt."
„Það er ekki það að ég vilji ekki gefa ykkur upplýsingar. Ég vil bara ekki gefa ykkur rangar upplýsingar. Í augnablikinu er ekki búið að ákveða eitt eða annað."
„Það er alltaf gott fyrir félag ef önnur félög fara í kapphaup um leikmann en við erum ekki að spá í því."
„Ég endurtek það sem ég hef oft sagt. Ef allt er eðlilegt þá verður hann hér út tímabilið en við sjáum til."
Athugasemdir