Ólafur Ingi Skúlason, leikmaður Fylkis, hefur átt viðburðarríkan feril. Hann fór ungur að árum til Arsenal og spilaði þar einn leik, hann kom inn á sem varamaður í 5-1 sigri á Úlfunum í deildabikarnum í desember 2003.
Ólafur Ingi birtir í gær mynd á Twitter úr þessum leik þar sem hann er að stýra varnarvegg.
Með honum í veggnum eru Kanu, Patrick Vieira og Cesc Fabregas.
„Þar sem ég er mikið fyrir að grobba mig þá verð ég að deila þessari mynd. Ég hef fengið að stjórna þeim nokkrum varnarveggjunum á ferlinum en þessi er líklega sá besti! #Fabregas#Vieira#Kanu#," skrifar Ólafur Ingi.
Myndina má sjá hér að neðan.
Ólafur Ingi fór frá Arsenal til Brentford árið 2005, en hann lék einnig með Helsingborg, SönderjyskE, Zulte Waregem, Genclerbirligi og Karabükspor á ferli sínum erlendis.
Hann sneri aftur í Fylki síðasta sumar eftir að hafa verið í íslenska landsliðshópnum á HM í Rússlandi.
Þar sem èg er mikið fyrir að grobba mig þá verð èg að deila þessari mynd. Èg hef fengið að stjórna þeim nokkrum varnar-veggjunum á ferlinum en þessi er líklega sá besti!#Fabregas#Vieira#Kanu# pic.twitter.com/inQNldvB0t
— Olafur Ingi Skulason (@oliskulason16) January 12, 2019
Athugasemdir
