Nottingham Forest vill fá Slavisa Jokanovic til að taka við stjórastöðu liðsins eftir að Aitor Karanka hætti störfum hjá félaginu í gærmorgun. Þetta herma heimildir Sky Sports.
Jokanovic, sem var rekinn frá Fulham í nóvember, hefur haft mjög góðu gengi að fagna í ensku Championship deildinni. Þar hefur hann stýrt bæði Watford og Fulham upp í Úrvalsdeildina.
Hann var fyrr í vikunni orðaður við stjórastöðuna hjá Stoke City en stjórnarmenn þar ákváðu að hann væri ekki rétti maðurinn fyrir félagið.
Nottingham Forest situr í sjöunda sæti deildarinnar, fjórum stigum frá því sjötta. Sjötta sætið er síðasta sætið inn í umspil um það hvaða lið verður þriðja liðið sem fer upp í úrvalsdeildina.
Athugasemdir