Í dag voru kynntar tilslakanir á ferðatakmörkunum hér á landi en þar kom meðal annars fram að frá og með 15. maí geti íþróttalið komið til æfinga hér á landi án þess að einstaklingar þurfi að vera lokaðir í sóttkví.
Liðin falla þá undir 'sóttkví B' en þar er átt við að viðkomandi einstaklingur, einn eða fleiri, þarf ekki að vera heima hjá sér eða lokaður af í tilteknu rými heldur getur stundað vinnu á vinnustað en fylgt ströngum reglum.
Liðin falla þá undir 'sóttkví B' en þar er átt við að viðkomandi einstaklingur, einn eða fleiri, þarf ekki að vera heima hjá sér eða lokaður af í tilteknu rými heldur getur stundað vinnu á vinnustað en fylgt ströngum reglum.
„Sóttvarnalæknir hefur nú þegar lagt til við heilbrigðisráðherra að nýjar reglur verði settar um sóttkví sem gildi frá 15. maí sem hafi að geyma útvíkkun á svokallaðri sóttkví B. Hún nái til þeirra sem koma hingað til starfa í afmörkuð verkefni eins og vísindamenn, kvikmyndatökumenn og fréttamenn eða íþróttalið til æfinga," segir í tilkynningu Stjórnarráðsins.
Mögulegt er að erlend íþróttafélög hafi þegar sent fyrirspurnir um möguleika á að koma til Íslands fyrst þau voru sérstaklega tekin fram í undanþágunni fyrir sóttkví B.
Miðað við þetta opnast möguleiki fyrir erlend fótboltalið að koma í æfingaferðir til Íslands þar sem takmarkanir varðandi æfingareglur eru minni en í þeirra landi.
Á Englandi eru til dæmis aðeins leyfðar einstaklingsæfingar í dag en hér á Íslandi er miðað við hópaskiptingu en stefnt á að æfingar með hefðbundnum hætti séu leyfðar frá og með 25. maí. Talað hefur verið um að takmörkununum verði jafnvel létt fyrr.
Athugasemdir