Harry Maguire meiddist á liðbandi í ökkla í 1-3 sigri Manchester United gegn Aston Villa í ensku úrvalsdeildinni síðasta sunnudag og mun ekki spila annan deildarleik á tímabilinu.
Maguire er fyrirliði Man Utd og hafði spilað allar mínútur í ensku deildinni frá komu sinni til félagsins sumarið 2019 þar til hann fór útaf meiddur.
Ole Gunnar Solskjær, stjóri Man Utd, vonast til að geta notað Maguire í úrslitaleik Evrópudeildarinnar gegn Villarreal 26. maí.
„Það er slæmt að meiðast á liðbandi en við erum mjög jákvæðir fyrir framhaldinu. Ég held ekki að hann muni spila aftur í deildinni en við erum að gera allt í okkar valdi til að koma honum í stand fyrir úrslitaleikinn," sagði Solskjær.
„Ég vona að hann geti verið klár fyrir úrslitaleikinn."
Athugasemdir