Fótbolti.net kynnir liðin sem leika í 2.deild í sumar eitt af öðru eftir því hvar þeim er spáð. Við báðum alla fyrirliða og þjálfara í deildinni til að spá fyrir sumarið. Liðin fengu stig frá 1-12 en ekki var hægt að spá fyrir sínu eigin liði.
Spáin:
1.
2. Fjarðabyggð/Höttur/Leiknir
3. KH
4. Völsungur
5. ÍR
6. Sindri
7. Fram
8. Hamrarnir
9. Hamar
10. Álftanes
11. SR
12. Einherji
13. KM
Spáin:
1.
2. Fjarðabyggð/Höttur/Leiknir
3. KH
4. Völsungur
5. ÍR
6. Sindri
7. Fram
8. Hamrarnir
9. Hamar
10. Álftanes
11. SR
12. Einherji
13. KM
Lokastaða í fyrra: 3. sæti í 2. deild
Þjálfarar: Björgvin Karl Gunnarsson er áfram í brúnni fyrir austan. Hann tók við liðinu haustið 2018 og þekkir deildina vel.
Það er öflug umgjörð í kringum lið Fjarðabyggðar/Hattar/Leiknis og liðið var hársbreidd frá því að komast upp á síðasta tímabili. Heimavöllurinn gæti orðið mikið vígi. Félagið hefur sett mikinn metnað í leikmannakaup og munu fjórir erlendir leikmenn leika með liðinu í sumar auk öflugra heimakvenna. Sóknarmaðurinn ungi, Freyja Karín Þorvarðardóttir, vakti athygli fyrir markaskorun síðasta sumar og í ár gætu fleiri ungir leikmenn stigið upp og fengið sviðsljósið.
Lykilmenn: Freyja Karín Þorvarðardóttir, Alexandra Taberner Tomas, Marta Sáez
Gaman að fylgjast með: Hin 15 ára Björg Gunnlaugsdóttir hefur staðið sig vel á undirbúningstímabilinu og er spennandi leikmaður, fljót og útsjónarsöm.
Við heyrðum í Kalla þjálfara og spurðum út í sumarið:
Ykkur er spáð 2. sæti. Kemur það á óvart?
„ Það kemur í sjálfu sér ekki á óvart miðað við spilamennskuna í fyrra þar sem við vorum einum úrslitum frá því að fara upp, en það verður nýtt og öðruvísi tímabil í ár og spennandi ný lið og nýtt fyrirkomulag. Er nokkuð viss um að deildin verði sterkari en áður.”
Finnurðu fyrir pressu að fara með liðið upp?
„ Nei, ég finn ekki fyrir pressu þar sem við höfum sett okkur þau markmið að komast í úrslitakeppnina. Markmið okkar er áfram að fara upp í Lengjudeildina og við teljum að það skref myndi lyfta upp kvennaboltanum fyrir austan.“
Hvernig hefur undirbúningstímabilið gengið?
„ Undirbúningur liðsins hefur gengið þokkalega þar sem við tókum þátt í Kjarnafæðismótinu sem er gott mót fyrir okkur. Covid tók reyndar af okkur nokkra leiki í Lengjubikarnum og hefði verið fínt fá þá leiki.“
Er liðið mikið breytt frá því í fyrra?
„Við höldum megnið af okkar kjarna en liðið verður engu að síður töluvert breytt frá því í fyrra og við höfum fiktað okkur áfram í nýju kerfi.“
Hvernig áttu von á að deildin spilist?
„ Ég er á því að meira sé undir í hverjum leik þegar leikinn er einföld umferð. Sé fyrir mér jafna deild og mikla baráttu um að komast í úrslita keppnina.“
Komnar:
Marta Sáez frá Spáni
Alexandra Taberner Tomas frá Spáni
Bayleigh Chaveirs frá Bandaríkjunum
Anne Bailey frá Bandaríkjunum
Farnar:
Elísabet Eir Hjálmarsdóttir í HK
Jóhanna Lind Stefánsdóttir í Keflavík
Sigmundína Sara Þorgrímsdóttir í Þrótt (var á láni)
Heidi Giles til Ungverjalands
Nina Wilsson til Englands
Shakira Duncan til Ísrael
Fyrstu leikir Fjarðabyggðar/Hattar/Leiknis:
13. maí Fjarðabyggð/Höttur/Leiknir - ÍR
22. maí Álftanes – Fjarðabyggð/Höttur/Leiknir
29. maí Fjarðabyggð/Höttur/Leiknir – Fjölnir
Athugasemdir