Landslið Nígeríu mætti til Rússlands seint í gærkvöldi. Landslið Nígeríu hefur fengið töluverða athygli fyrir landsliðsbúninginn sinn sem þykir með þeim flottustu á Heimsmeistaramótinu sem hefst eftir tvo daga. Liðið ákvað að ganga skrefinu lengra og mætti í skemmtilegum fatnaði til Rússlands.
Klæðnaður Nígeríu endurspeglar bæði menningu heimalandsins auk þess að tengjast gælunafni landsliðsins. Ofur-Ernirnir eru því með saumaða vængi á bringunni með bolta í miðjunni.
Þrátt fyrir að hafa vakið athygli fyrir klæðnað sinn undanfarið segir þjálfari liðsins, Gernot Rorr að liðið sé einbeitt á að undirbúa sig fyrir fyrsta leik gegn Króatíu næstkomandi laugardag.
Liðið mætir strákunum okkar 22. júní og á síðasta leik sinn í riðlakeppninni gegn Argentínu þann 26. júní.
#SuperEagles land in Essentuki #WorldCup #NGA pic.twitter.com/4poUY2gEhr
— Samm Audu, FIFA (@FIFAWorldCupNGA) June 11, 2018
Athugasemdir