Ísland verður eitt af liðunum sem leikarinn heimsþekkti Russell Crowe ætlar að styðja á heimsmeistaramótinu sem hefst í Rússlandi á fimmtudag.

Crowe hélt einmitt líka með Íslandi á Evrópumótinu í Frakklandi í fyrrasumar.

Ísland er þó ekki eina liðið sem leikarinn ætlar að styðja á mótinu, en hann ætlar að styðja hvorki meira né minna en 8 lið á mótinu, eitt úr hverjum riðli.

Liðin sem Crowe ætlar að styðja eru Úrúgvæ, Portúgal, Ástralía, Ísland, Kosta Ríka, Suður Kórea, Belgía og Pólland.

Crowe er Ný-Sjálendingur en hans menn rétt misstu af sæti á mótinu eftir tap í umspili gegn Perú.

Þá yrði hann einnig glaður ef England myndi vinna mótið en segir líka að Þjóðverjar séu sterkir.