Barcelona bauð 50 milljónir punda í Willian í síðustu viku og félagið hefur nú komið með nýtt og hærra tilboð.

Willian var ósáttur með Antonio Conte, stjóra Chelsea, á síðasta tímabili en líkurnar verða meiri á að hann verði áfram þegar Maurizio Sarri sest í stjórastólinn á næstu dögum.

Willian skoraði þrettán mörk í 55 leikjum með Chelsea á síðasta tímabili.

Samtals hefur hann skorað 44 mörk í 236 leikjum með Chelsea síðan hann kom til félagsins frá Anzhi Makhachkala í Rússlandi árið 2013.