„Þetta var ótrúlega solid leikur, fyrsta markið var mjög gott og við skoruðum síðan strax eftir hálfleik sem var gott."
Sagði Brynjar Björn Gunnarsson þjálfari HK eftir 3-0 sigur sinna manna gegn Haukum í kvöld.
Sagði Brynjar Björn Gunnarsson þjálfari HK eftir 3-0 sigur sinna manna gegn Haukum í kvöld.
„2-0 getur verið viðkvæm staða og mér fannst við svona vera með leikinn í hendi okkar og síðan skoruðum við frábært þriðja mark sem drepur leikinn. Það hefði verið gaman að fá fjórða markið en spilamennska yfir höfuð frá markmanni til fremsta manns var bara glæsileg."
Haukar náðu lítið sem ekkert að brjóta á bak vörn heimamanna og er HK orðnir þekktir fyrir vel skipulagða vörn.
„Það er ekkert endilega markmiðið að halda hreinu. Auðvitað þarftu að vera með gott skipulag og menn þurfa að vera agaðir. Við vorum mikið með boltann í dag og upp úr því fáum við ekki mikið af sóknum á okkur. "
Félagsskiptaglugginn opnar 15. júlí og býst Brynjar við að styrkja hópinn.
„Við erum með augun opin en það er í sjálfu sér ekkert í hendi. Við erum klárlega að leita af 1-2 leikmönnum til að styrkja hópinn fyrir seinni hluta móts. "
Sagði Brynjar en nánar er rætt við hann í sjónvarpinu hér að ofan.
Athugasemdir