Kristinn Magnús Pétursson eða "Kiddi Krydd" eins og hann er betur þekktur átti stórleik í dag í liði Víkings Ólafsvíkur þegar liðið sigraði Fram 2-1. Kiddi skoraði eitt og lagði upp annað og var maður leiksins að leiks lokum.
Lestu um leikinn: Víkingur Ó. 2 - 1 Fram
Kiddi hefur ekki verið mikið í byrjunarliði Víkinga í sumar en eftir nokkur meiðsli er hann mættur í byrjunarliðið og nýtti sér það heldur betur í dag.
"Ég reiknaði ekki með þessu. Byrjaði á miðjunni og fór svo í hægri vængbakvörð og ég bjóst ekki við að skora eitt og leggja upp annað."
Mark Kristins í dag verður seint talið fallegasta mark sumarsins en boltinn barst til Kidda í boxinu sem táaði boltann og boltinn lak í netið með viðkomu í baki varnarmanns Fram. Kiddi er hins vegar alls ekki sammála að þetta hafi verið heppni.
"Þetta var aldrei heppilegt. Ég ætlaði að gera þetta. Fékk boltan út í teiginn. Potaði með tánni í varnarmann og boltinn lak inn. Ég ætlaði allan daginn að gera þetta."
Víkingar hafa oft verið með þunnan liðshóp en í dag eru þeir með mjög þunnan hóp. Tveir leikmenn eru meiddir og mögulega annar að bætast á meiðslalista. Kiddi telur þó að þeir séu með nógu sterkann hóp.
Viðtalið má sjá í heild sinni hér fyrir ofan.
Athugasemdir