Lestu um leikinn: HK 3 -  0 Haukar

„Jújú þeir skora eitt gott mark í fyrri hálfleik en fá að öðru leiti ekkert mikið af opnum færum. Þetta var alveg í ágætis jafnvægi þó við værum 1-0 undir. Síðan gerum við ágætis áras sem gekk ágætlega eftir en síðan skora þeir annað markið og þá riðlaðist skipulagið of mikið."

Haukar sköpuðu nánast engin færi í leiknum en á sama tíma var vörnin að leka.

„HK er lið á mikilli siglingu og þeim líður mjög vel hérna heima og við bárum ákveðna virðingu fyrir þeim sem þeir áttu skilið. Við vörðumst neðar á vellinum og vorum i rauninni að leita að því að skapa öðruvísi færi heldur en í hinum leikjunum okkar sem hafa verið mjög opnir."

Félagskiptaglugginn opnar 15. júlí og Kristján á ekki von á mikilli breytingu á hópnum.

„Það á eftir að koma í ljós, ég reikna ekkert með mikilli breytingu. Við erum að missa nokkra í skóla en við erum með ágætis menn til að bakka þá upp svo ég hef ekkert of miklar áhyggjur."

Sagði Kristján en nánar er rætt við hann í sjónvarpinu hér að ofan.