Jonathan Walters, framherji Burnely og írska landsliðsins, varð að útskýra grín sem hann setti á Twitter eftir að England tapaði gegn Króatíu í undanúrslitum HM í gær.
Walters grínaðist með það að England hefði unnið HM ef Sam Allardyce hefði áfram verið við stjórnvölinn.
Sam tók við Englandi af Roy Hodgson eftir EM í Frakklandi en var rekinn eftir rúma tvo mánuði vegna hneykslismáls. Í kjölfarið tók Gareth Southgate við.
Stuðningsmenn enska landsliðsins brjáuðust yfir Twitter færslu Walters í gær en hún þótti lítið fyndin rétt eftir tapið gegn Króatíu.
Margir héldu að Walters væri alvara og hann þurfti að koma með aðra Twitter færslu þar sem hann útskýrði grínið.
Big Sam would’ve got to the final #WorldCup
— Jonathan Walters (@JonWalters19) July 11, 2018
Too many angry people on here... let me help you.
— Jonathan Walters (@JonWalters19) July 12, 2018
Definition of a joke.
A thing that someone says to cause amusement or laughter, especially a story with a funny punchline. https://t.co/DmZ1lQ9qqq
Athugasemdir