Brian McLean, leikmaður ÍBV, var ánægður með bikarsigurinn á FH í dag en liðið fagnaði vel og innilega eftir leik. Það verður hörkustemming í Eyjum í kvöld.
Lestu um leikinn: ÍBV 1 - 0 FH
McLean var með betri mönnum vallarins í dag og hjálpaði liðinu að vinna þennan sögufræga sigur.
„Þetta er ótrúlegt. Þetta hafa verið magnaðar síðustu vikur fyrir mig og ég kom hingað og að geta haft áhrif og vinna undanúrslitaleikinn og að lyfta bikurum er geggjað. Frábært fyrir stuðningsmennina og ég vona að þeir njóti kvöldsins," sagði Brian.
„Ég elska að vinna og þetta eru frábærir strákar. Við viljum nýta þetta svona augnablik og fara með þetta í deildina og koma okkur í betri stöðu en við erum í."
„Við náðum að koma okkur yfir og hefðum getað bætt við fleiri mörkum fyrir hálfleik. Einbeitingin var geggjuð og varamennirnir héldu sama fókus og þeir sem byrjuðu. Þetta er magnað, sérstaklega fyrir stuðningsmennina."
Það verður væntanlega tekið vel á móti Eyjamönnum í kvöld. Það verður líf og fjör á Eyjunni.
„Þetta verður sérstakt, sérstaklega eftir síðustu helgi. Við erum atvinnumenn, svo við njótum augnabliksins en við þurfum reyndar að einbeita okkur að næsta leik sem er á miðvikudag," sagði hann í lokin.
Athugasemdir