Leikurinn byrjaði skelfilega fyrir Chelsea því Gary Cahill, fyrirliði liðsins, fékk beint rautt spjald eftir 13 mínútur. Eftir það keyrði Burnley yfir Cheslea. Þeir komust í 3-0, en á meðan Burnley var að spila flottan fótbolta fór mest orka Chelsea-manna í pirring.

Chelsea setti Alvaro Morata inn á í seinni hálfleiknum og hann kom með aukinn kraft í sóknarleikinn. Morata skoraði og minnkaði muninn og David Luiz bætti síðan við og staðan 3-2.

Lengra komst Chelsea ekki, lokatölur 3-2. Mark var dæmt af Chelsea í seinni hálfleiknum, en Morata potaði þá inn skoti Andreas Christensen. Boltinn var á leiðinni inn, en Morata var rangstæður.

Titilvörnin fer ekki vel af stað fyrir Chelsea, en Burnley menn eru væntanlega mjög sáttir. Jóhann Berg Guðmundsson, íslenski landsliðsmaðurinn, spilaði 75 mínútur hjá Burnley.

Nýliðar Huddersfield byrja af krafti. Þeir burstðu Crystal Palace 3-0. Southampton og Swansea gerðu markalaust jafntefli, Wayne Rooney var hetja Everton í sigri á Stoke og West Brom lagði Bournemouth.

Chelsea 2 - 3 Burnley
0-1 Sam Vokes ('24 )
0-2 Stephen Ward ('39 )
0-3 Sam Vokes ('43 )
1-3 Alvaro Morata ('69 )
2-3 David Luiz ('88 )
Rautt spjald: Gary Cahill, Chelsea ('14), Cesc Fabregas, Chelsea ('81)

Crystal Palace 0 - 3 Huddersfield
0-1 Joel Ward ('23 , sjálfsmark)
0-2 Steve Mounie ('26 )
0-3 Steve Mounie ('78 )

Everton 1 - 0 Stoke City
1-0 Wayne Rooney ('45 )

Southampton 0 - 0 Swansea

West Brom 1 - 0 Bournemouth
1-0 Ahmed Hegazy ('31 )